LETRAS GALEGAS

Con motivo da celebración das Letras Galegas, este ano decidimos facer un podcast falando sobre a homenaxeada deste ano: Luisa Villalta.

Traballamos de maneira conxunta cos nosos compañeiros e compañeiras de 3º de E.P. e falamos sobre a súa vida.

 

17 de maio, Día das Letras Galegas

O 17 de maio é unha data moi importante para todas as galegas e galegos, xa que se celebra o Día das Letras Galegas. Esta celebración foi instituída pola Real Academia Galega no ano 1963 co fin de homenaxear a aqueles persoeiros que destacasen pola súa creación literaria ou pola defensa da nosa prezada lingua. Nesta edición enaltécese a figura de Francisco Fernández del Riego, escritor e fundador da Editorial Galaxia. 

No día de hoxe levamos a cabo numerosas actividades coas que rendimos tributo á lingua galega, piar fundamental da nosa cultura. Como cada ano non faltaron a esta cita a lectura, a escritura, a música ou as labores manuais; mais a actividade máis especial no día de hoxe foi a nosa participación no ObraAberto, unha celebración organizada polo Obradoiro CAB no cal se mesturaron a paixón polo noso idioma e un dos deportes favoritos da cidade compostelá: o baloncesto.

CONCERTO GALEGO

 Durante o mes de Maio, no colexio fixemos diferentes actividades para celebrar a festividade das Letras Galegas. 

Unha destas actividades foi un concerto na que algúns dos nosos compañeiros e compañeiras interpretaron algunhas pezas musicais típicas de Galicia. 

Podedes ver o vídeo cas actuacións aquí debaixo:

Xogo de de investigación das Letras Galegas

 En este 2022, o día das Letras Galegas foi dedicado a Florencio Delgado Gurriarán, un poeta da comarca de Valdeorras recoñecido pola súa obra poética, pero tamén polos seus valores e o seu traballo político no exilio.

Na súa honra, o pasado mércores na clase de Lingua Galega fixemos un pequeno xogo de investigación para coñecer un pouco máis ao homenaxeado deste ano.

Por todo o cole había carteis con información diversa sobre o escritor, e esta información era a que nós tiñamos que atopar para acadar a resposta ás diferentes preguntas que se nos propuxeron.

Pásamolo moi ben e aprendimos un pouquiño máis sobre Florencio.

Feliz Día das Letras Galegas a todos!

VERSOS DEBUXADOS

Como actividade principal, dentro da semana de celebración das Letras Galegas, coñecéronse varios versos de diferentes obras de Xela Arias, a homenaxeada deste ano 2021.

Tras elixir e ler un verso desta profesora, tradutora e escritora, había que escribilo e realizar un debuxo no que quedara plasmada a mensaxe que nos transmitía.

Igual que a poesía pode transmitir emocións e vivencias que cada un entende dende a súa experiencia, tamén nos debuxos pode os transmitir o mesmo.

Aquí podedes ver unha mostra da creatividade dos nenos e nenas de segundo.