Semana Cultural no Seminario Menor

Esta semana tivemos a gran sorte de poder desfrutar dalgunhas actividades xunto aos nosos compañeiros do Seminario Menor. 

Con motivo da celebración da súa Semana Cultural na honra de San Rosendo acudimos a algunhas actividades nas que fixemos desde gamificación ata unha tarde de xogos e deporte. 

Moitas gracias aos nosos compañeiros por invitarnos e ternos sempre en conta nas súas celebracións!

Deixámosvos algunhas fotos para que vexades que ben o pasamos!

Fai clic na imaxe para ver máis.

O Meco manda... 4

"Se o xoves o corpo queres quecer, bata da casa terás que poñer"

O Meco manda... 3

"Se o mércores elegante queres ir, algo no pescozo debes lucir"

Liña do tempo

Continuando co proxecto do tempo, nesta ocasión aprendemos o que son as liñas do tempo, e a través dunha aplicación que se chama Time Line, cada un de nós fixo a súa propia liña do tempo dun día na súa vida. 

Nela recollemos todas as actividades que facemos ao longo dun día, a hora á que as facemos e ademais aprendemos a situarnos temporalmente e a calcular o tempo que nos leva cada unha delas. 

Un traballo moi completo que ao principio nos causou certas confusións pero que finalmente conseguimos resolver con moita soltura. 

Presente, pasado e futuro

O noso proxecto continúa, e nesta nova tarefa estamos traballando a conxugación dos verbos en pasado, presente e futuro, tratando de diferenciar estes tres momentos. 

Para comenzar con estes contidos decidimos facer un xogo que nos axude a introducirnos neste amplo mundo dos verbos. 

Por esto, hoxe na clase xogamos ao "Verbichís", un parchís cheíño de verbos no que segundo a cor do segundo dado deberemos conxugar o verbo no que a nosa ficha caiga en pasado, presente ou futuro. 

Non hai mellor forma de aprender que xogando, e hoxe a clase foi unha festa, pero eso si, aprendendo un montón sobre verbos. 

O Meco manda... 2

"O martes para cómodo estar zapatillas da casa vas levar"

Lectura

Continuamos co proxecto de lectura en voz alta semanal. Nesta ocasión e aproveitando o tempo que nos acompaña fixémolo nun dos claustros internos do noso cole.

Foi divertido modificar a localización e isto axúdanos a practicar a lectura en diferentes escenarios e a enfrentarnos a novos retos como é o de ler ao aire libre.