martes, 26 de febrero de 2019

Presente, pasado e futuro

O noso proxecto continúa, e nesta nova tarefa estamos traballando a conxugación dos verbos en pasado, presente e futuro, tratando de diferenciar estes tres momentos. 

Para comenzar con estes contidos decidimos facer un xogo que nos axude a introducirnos neste amplo mundo dos verbos. 

Por esto, hoxe na clase xogamos ao "Verbichís", un parchís cheíño de verbos no que segundo a cor do segundo dado deberemos conxugar o verbo no que a nosa ficha caiga en pasado, presente ou futuro. 

Non hai mellor forma de aprender que xogando, e hoxe a clase foi unha festa, pero eso si, aprendendo un montón sobre verbos.