O noso proxecto continúa a súa marcha e sempre aparece xente estupenda que de forma altruísta nos quere axudar para que a nosa aprendizaxe medre e teñamos o máximo de experiencias posibles.
Hoxe recibimos a visita dunha familia que conseguiu todo o necesario para que poidamos incubar ovos na clase. Durante os próximos 21 días temos a responsabilidade de coidar deles para que todo saia ben.
Entre todos coidaremos a diario dos ovos para que pasado o tempo necesario poida nacer algún pitiño que despois devolveremos á súa mamá.
Iremos contándovos toda a experiencia por aquí. De momento estamos moi ilusionados con este novo proxecto no que nos imos enrolar.
 |
| Fai clic na imaxe para ver máis. |